Praxis Cumitatu

L'ancien blog Praxis Negra étant réactivé, le Comité informe que ce forum est désormais un simple atelier d'écriture. Les membres inscrits peuvent y proposer leurs textes en vue d'une publication sur Praxis Negra (en français) ou Tonu è Timpesta (en langue corse).


Atelier littéraire


Ne ratez plus rien ! Les nouvelles contributions s'affichent dans la colonne de droite de chaque rubrique. Vous pouvez également les lister en cliquant sur le lien " Voir les nouveaux messages depuis votre dernière visite", ci-dessus. Enfin, vous pouvez configurer votre profil pour être alerté lorsqu'un nouveau message est posté sur un sujet qui vous intéresse.

Zerga, per Ghjiseppu Antonetti

Partagez
avatar
Dominique Giudicelli
Admin

Messages : 397
Date d'inscription : 28/02/2014
16022015

Zerga, per Ghjiseppu Antonetti

Message par Dominique Giudicelli



Per i disgraziati, feste ùn ci n'è. Babbu Natale, anc' ellu, ùn li arreca chi rabbia e addisperu.




Taglia duie mazzette di castagnu. I ciucci aspettanu cun pacienza. Un ventulellu ghjalatu di a fine di Dicembre li cotra l’arechje à tutt’è trè.
Eccu i mio figlioli, eccu duie belle sciabbule, avà pudete ghjucà à Zorro.
I zitelli sortenu di u chjassu per ghjucassi nù i vechji giardini avvinti di machja, d’arbitri è di scope.
S’incende una sigaretta, per a prima volta dapoi Natale, si sente bè, felice, fideghja a piaghja dorme quaghjò, u mare chì si more pianu pianu nantu à e so sponde, sente i zitelli chì ridenu, hè serenu.
Finita a sigaretta, sente sunà quattr’ore à a campana. Si gira ver’di u paese, vestutu di lume per e feste, e case rifatte à novu di a piccula burghesia lucale, i 4*4 novi framenti infilati cum’è truffei, è quaghjò, scantata, messa da parte naturalamente una casuccia mezu scalcinata cun e so persiane sghangherate.
‘Ssa casuccia chì si ne trafala, chì li spechja a so povara cundizione , u fiascu ch’ella hè a so vita. A so gola si stringhje, li venenu in mente e parulle di i figlioli di punta à u pinu, l’ochji carchi di lacrime
O bà cumu hè chì Babbu Natale, ùn ci hà falatu ciò chè n’avemu dumandatu ? Purtantu simu stati bravi…

Babbu Natale fala ciò ch’ellu hà, è i zitelli sò numarosi, hè obligatu à sparte
Ié ? Allora perchè chì Hugo, Kenzo è Stella Maria, anu avutu ciò ch’elli avianu dumandatu. A ci anu detta eri sera à a messa…
U più chjucu era scuppatu à pienghje, nù i bracci di a mamma, chì pienghjia dinù.
Vulia pienghje ellu dinù. Vulia stringhje i so ciucci, li vulia specà chì Babbu Natale ùn ci n’era, in tutti i casi micca per elli, micca per i disgraziati, quelli chì nimu ùn vede, quelli chìnimu ùn difende.
Li vulia spiecà dinù chì i parenti di Kenzo è di l’altri merdosi avianu fattu e so situazione, micca per via di a so struzzione o a so intelligenza, ma solu perchè chì avianu sappiutu indinuchjassi davanti à quale ellu ci vulia, perchè chì avianu liccatu i culi di l’eletti o di i maffiosi.
Li vulia spiecà dinù chì ellu ùn avia eritatu di nunda, à u cuntrariu di tutti quessi, ch’ellu era libaru di mandà à pruminà eletti è persone influente, ch’ellu ùn avia mai dumandatu nunda à nimu, li vulia spiecà ch’ella era per quessa ch’elli straziavanu, perchè ch’ellu era un originale nù una sucietà di muntoni, muntoni chì si piglianu per leoni, ma chì s’agguattanu cum’è catelli quandi i so maestri fiscanu a fine di a recreazione.
Li vulia spiecà tuttu què, li vulia spiecà dinù perchè chì nisun omu puliticu ùn parlava mai d’ellu è di i pari soii purtantu numarosi in stu paese, ma piattati, o insignati di ditu cum’è parasiti di a sucietà, li vulia spiecà ch’elli eranu povari è chì i povari ùn cuntavanu per nimu.
Ma eranu troppu chjuchi per capì, eranu troppu chjuchi per sparte a so zerga, a so inghjulia dinù di perde una à una tutte e so illusioni. Avia sceltu d’esse libaru, è oghje a pacava caru.
Persu nù e so pensate, nù a so collara, ùn hà micca intesu i figlioli avvicinassi, ingolle e so lacrime è a so rabbia, i basgia, piglia u più chjucu à zozzu, u più grande apperlamanu è capicalatu s’avvia versi u paese.
Partager cet article sur : Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

avatar

Message le Lun 16 Fév - 23:20 par Karlheinz L.K.

On me dégage pour mettre le Sieur Antonetti, bon choix !!! Very Happy

avatar

Message le Lun 16 Fév - 23:23 par Dominique Giudicelli

On partage, Herr Karlheinz, on partage !

Et on en vous dégage pas, vous êtes, deux ou trois textes plus bas !

Non mais !

Prochain sujet, rien que pour vous : la jalousie !

Message  par Contenu sponsorisé


    La date/heure actuelle est Jeu 29 Juin - 0:48