Praxis Cumitatu

L'ancien blog Praxis Negra étant réactivé, le Comité informe que ce forum est désormais un simple atelier d'écriture. Les membres inscrits peuvent y proposer leurs textes en vue d'une publication sur Praxis Negra (en français) ou Tonu è Timpesta (en langue corse).


Atelier littéraire


Ne ratez plus rien ! Les nouvelles contributions s'affichent dans la colonne de droite de chaque rubrique. Vous pouvez également les lister en cliquant sur le lien " Voir les nouveaux messages depuis votre dernière visite", ci-dessus. Enfin, vous pouvez configurer votre profil pour être alerté lorsqu'un nouveau message est posté sur un sujet qui vous intéresse.

Cantu à Emmett Till (Marcu Biancarelli)

Partagez
avatar
Marco B
Admin

Messages : 422
Date d'inscription : 30/01/2013
29092014

Cantu à Emmett Till (Marcu Biancarelli)

Message par Marco B

Emmett Till era neru, è t'avia 14 anni quand'iddu fù assassinatu da dui razzisti in u Statu di u Mississippì. A publicazioni di u so ritrattu (vulsuta da a so mamma), è chì musciaia u so sembiu marturiatu, pruvucò una presa di cuscenza à u mumentu chì monda Stati di l'USA tullaraiani sempri u sistemu di a segregazioni. L'amblemàtica Rosa Parks, chì rifusò di lacà a so piazza à un biancu in Montgomery, di dicembri 1955, gestu chì fù à l'origini di a mossa pà i dritti civili, dissi più tardi : "I thought of Emmett Till and I just couldn't go back (Aghju pinsatu à Emmett Till, hè m'hè statu impussìbuli di marchjà in daretu)."


Cantu à Emmett Till

Era tanti anni fà, in u Mississippì
Un ziteddu curria buffulendu di gioia
Nant’a sponda nativa di a Tallahatchie
Curria è si lampaia in manu à i so boia.

A fola di i lubba era dunca riali
Nun timii paura Emmett u me fiddolu
Ti desti à a sciagura è morsi u me fanali
Da purtammi par sempri ‘n u bughju di u dolu.

C’era u to ritrattu, disfattu u to sembiu,
In tutti i ghjurnala par dì a verità
Nant’à i mostri cechi ignuranti di l’embiu
I mostri chì ùn ani chè rabbia à sunnià.

Pà un culor’ di peddi o pà una prighera
Vastani ciò chì vivi è chì curri à u ventu
Emmett u me fiddolu eri a me lumera
Ci ripensu ugni ghjornu in cori à u spaventu.

U to nomu ribomba o dulci Emmett Till
À fiancu à quiddi eroi chì ghje’ tengu à menti,
Vighjati in paradisu da o u tintu Joe Hill,
Marturiati à l’altari di a cità dulenti.

Chì l’infernu hè quì bassu nant’à ‘ssa strada à fà
Emmett era ziteddu, ma a vi diciaria,
I mostri erani quì à vulellu vattà
Ingurdi è bramosi di fanni a stirpia.

Quissu cantu hè finitu è mi tocca à piantà
Ma pà a so mimoria mi ferma puri à dì
Chì i lacrimi tutti ch’e’ li pudiu dà
Sò un riu più grandi chè a Tallahatchie.


A écouter aussi, mis en musique par Tonton Antonpietri et chanté par Marianghjula Agostini.





Dernière édition par Marco B le Lun 29 Sep - 19:57, édité 2 fois
Partager cet article sur : Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

Message le Lun 29 Sep - 15:01 par Joseph Antonetti

Bellissimu testu adattatu cum'ellu si deve in canzona.

Mi sò campatu à sentela in Via Cultura è m'hà datu u laziu di sapenne di più nntu à a morte di Emmett Till.
avatar

Message le Lun 29 Sep - 19:17 par Marco B

Ghje' ùn la socu fà, ma sì calchì ad unu sapia fà una "captation" di a canzona mentri l'emissioni Via Cultura di quidd'altru ghjornu, è mettala quì...

Message  par Contenu sponsorisé


    La date/heure actuelle est Mar 23 Mai - 3:15